Արենի համայնքի ղեկավարի որոշման համաձայն  2020 թվականի օգոստոսի 20-ին  Արենիի համայնքապետարանում Ելփին բնակավայրի բնակիչ Արայիկ Միքայելյանի նկատմամբ հարուցվել է վարչական վարույթ  Ելփին բնակավայրի 13-րդ փողոցում գտնվող համայնքային սեփականություն հանդիսացող հողամասը զավթելու համար:

«Վարչարարության հիմունքների և վարչական վարույթի մասին»  ՀՀ օրենքի 49-րդ հոդվածով սահմանված կարգով վարչական վարույթը կասեցնելու հիմքերը, որի 2-րդ մասի 2-րդ կետի  համաձայն վարչական վարույթը կարող է կասեցվել նաև օրենքով նախատեսված այլ դեպքերում: Նույն օրենքի 4-րդ հոդվածով սահմանված է, որ վարչական մարմինները պարտավոր են հետևել օրենքների պահպանմանը և վարչական մարմինների լիազորությունները սահմանվում են օրենքով կամ օրենքով նախատեսված դեպքերում իրավական այլ ակտերով: Վերը նշված  օրենքի 38-րդ հոդվածի համաձայն` վարչական մարմինը վարչական վարույթի ընթացքում պարտավոր է վարչական վարույթի մասնակիցներին և նրանց ներկայացուցիչներին հնարավորություն տալ արտահայտվելու վարչական վարույթում քննարվող փաստական հանգամանքների վերաբերյալ: Այդ լսումները որպես կանոն իրականացվում են գործի քննության ընթացքում հրավիրվող նիստի ժամանակ ` բանավոր կարգով:

 Վերը նշված վարչական վարույթը գտնվում է լսումների փուլում և նման հարցի քննությունը սեղմ ժամկետներում իրականացնել հնարավոր չէ, քանի որ Հայաստանի Հանրապետության  կառավարության 27.09.2020 թվականի թիվ 1586-ն որոշմամբ Հայաստանի Հանրապետությունում հայտարարվել է ռազմական դրություն:

 Հաշվի առնելով հիշատակված իրավակարգավորումները և հիմք ընդունելով  «Արենի համայնքի տարածքում վարչական իրավախախտումներ հայտնաբերելու և պատասխանատու անձանց (սուբյեկտներին) վարչական պատասխանատվության ենթարկելու նպատակով մշտական հանձնաժողովի» թիվ 8 նիստի թիվ 1 արձանագրությունը  Արենիի համայնքապետարանում  հարուցված  վարչական  վարույթը հետաձգվում է:

«Նորմատիվ իրավական ակտերի մասին» ՀՀ օրենքի 41-րդ հոդվածի 1-ին մասի համաձայն` նորմատիվ իրավական ակտի նորմը մեկնաբանվում է հաշվի առնելով նորմատիվ իրավական ակտն ընդունելիս այն ընդունող մարմնի նպատակը ելնելով դրանում պարունակվող բառերի ու արտահայտությունների տառացի նշանակությունից, ամբողջ հոդվածի, գլխի, բաժնի կարգավորման համատեքստից, այն նորմատիվ իրավական ակտի դրույթներից, ի կատարումն որի ընդունվել է այդ ակտը, տվյալ նորմատիվ իրավական ակտով սահմանված սկզբունքներից, իսկ այդպիսի սկզբունքներ սահմանված չլինելու դեպքում տվյալ իրավահարաբերությունը կարգավորող իրավունքի ճյուղի սկզբունքներից:

Այս կանոններին համապատասխան և համադրված կերպով մեկնաբանելով վերը հիշատակված իրավանորմերը և ղեկավարվելով «Վարչարարության հիմունքների և վարչական վարույթի մասին» ՀՀ օրենքի 49-րդ հոդվածի 2-րդ մասի 2-րդ կետով Արենի համայնքի ղեկավարը  որոշում է`

1. Քաղաքացի Արայիկ Միքայելյանի նկատմամբ հարուցված վարչական վարույթը կասեցնել մինչև Հայաստանի Հանրապետությունում հայտարարված ռազմական դրության ավարտը:

2.  Սույն որոշումը ուժի մեջ է մտնում կողմերին իրազեկելուն հաջորդող օրվանից: