Ղեկավարվելով Հայաստանի Հանրապետության «Տեղական ինքնակառավարման մասին» օրենքի 18-րդ հոդվածի 1-ին մասի 42-րդ կետի պահանջով և հիմք ընդունելով ՀՀ Վայոց ձորի մարզի դատախազության 28.10.2021 թվականի թիվ 66/1532-21 միջնորդագիրը Արենի համայնքի ավագանին որոշում է՝
1. Հաշվի առնելով այն հանգամանքը, որ Խորեն Ավետիսյանի ընտանիքը Արենի համայնքի պետական սահմանային գոտում իրականացրել է մարտական հենակետի կառուցման աշխատանքներ և ներդրել մեծ գումար՝ համայնքին պատճառած վնասից, որը կազմում է 1470000 ՀՀ դրամ, փոխհատուցել գումարի 30 % -ի չափով՝ 441 000 ՀՀ դրամ՝ հաշվարկված 2017 թվականի նոյեմբերի 10-ից /49 ամիս x 30 000 =1 470 000 x 30%=441 000 ՀՀ դրամ/: Գումարը վճարել 12 ամսվա ընթացքում հաշվարկված 2022 թվականի հունվարի 1-ից: Յուքանչյուր ամսվա վճարվելիք գումարը կազմում է 36 750 ՀՀ դրամ:
2. Առաջարկել համայնքի ղեկավարին լուծել նախկին Ելփինի համայնքապետարանի և Գոհար Բաղդասարյանի միջև կնքված հողամասի վարձակալության պայմանագիրը: Պայմանագրի լուծարումից հետո միջոցներ ձեռնարկել հողամասի նպատակային նշանակությունը փոփոխելու և բջջային կապի օպերատորին վարձակալությամբ հատկացնելու ուղղությամբ՝ կնքելով հողամասի վարձակալության պայմանագիր:
3. Ստեղծել աշխատանքային խումբ Խորեն Ավետիսյանի պաշտոնավարման ժամանակահատվածում Ելփին համայնքի հողերի օտարման և վարձակալությամբ տրմադրված դեպքերը ուսումնասիրելու նպատակով: Խմբում պարտադիր ընդգրկել Ելփին բնակավայրի ընտրված ավագանու անդամներին: |