Ղեկավարվելով «Համայնքային ծառայության մասին» Հայաստանի Հանրապետության օրենքի  10-րդ հոդվածի 3-րդ մասով, «Հանրային ծառայության մասին» Հայաստանի Հանրապետության օրենքի 46.1-ին և 46․2-րդ հոդվածներով, «Նորմատիվ իրավական ակտերի մասին» Հայաստանի Հանրապետության օրենքի 33-րդ հոդվածով, և հիմք ընդունելով ՀՀ տարածքային կառավարման և ենթակառուցվածքների նախարարի 13.01.2023 թվականի թիվ ԳՍ/15.4/951-2023 հանձնարարականի պահանջները և Վայոց ձորի մարզպետի N 01/08.2/0300-2023 - 16/01/2023 գրությունը,

Արենի համայնքի ղեկավարը որոշում է 

ՀՀ Վայոց ձորի մարզի Արենի համայնքի ղեկավարի 2018 թվականի հունվարի  8-ի թիվ 01-Ա որոշման հավելված 1-ով  հաստատված Արենիի համայքապետարանի աշխատակազմի համայնքային ծառայության գլխավոր պաշտոնների երկրորդ ենթախմբի (ծածկագիր՝ 1.2-1)  պաշտոնի անձնագրում կատարել հետևյալ լրացումը` «ԻՐԱՎՈՒՆՔՆԵՐ ԵՎ ՊԱՐՏԱԿԱՆՈՒԹՅՈՒՆՆԵՐ» մասի 7-րդ բաժինը լրացնել «16» կետով՝ հետևյալ բովանդակությամբ՝
1.   16.  Հակակոռուպցիոն ծրագրերի պատասխանատու ՝ 

ա)պարտավոր է իր իրավասության շրջանակներում համագործակցել իրավասու մարմինների հետ, ապահովել ռազմավարական փաստաթղթերով նախատեսված հակակոռուպցիոն ոլորտի միջոցառումների իրականացումը, հաշվետվությունների տրամադրումը, ինքնագնահատման զեկույցների կազմումը հարցաշարերի լրացումը, մասնակցությունը հակակոռուպցիոն ոլորտին առնչվող քննարկումներին,

բ) պարտավոր է տրամադրել համապատասխան մարմնի գործառույթներին առնչվող ռազմավարական փաստաթղթերով նախատեսված՝ հակակոռուպցիոն  ոլորտի միջոցառումների և ոլորտային միջազգային պարտավորությունների կատարման վերաբերյալ տեղեկատվություն, պարզաբանումներ, միջոցներ ձեռնարկել համապատասխան մարմնի կողմից ոլորտային միջազգային պարտավորությունների կատարման ապահովելու ուղղությամբ, 

գ) իրավունք ունի համապատասխան պետական կամ տեղական ինքնակառավարման մարմնի կողմից իրականացվող հակակոռուպցիոն ծրագրերի շրջանակներում տվյալ մարմնի ստորաբաժանումներից պահանջելու և ստանալու տեղեկատվություն,

դ) իրավունք ունի  հակակոռուպցիոն քաղաքականության և մոնիտորինգի  համար պատասխանատու մարմնից պահանջելու և ստանալու մեթոդական աջակցություն, խորհրդատվություն  ռազմավարական  փաստաթղթերով նախատեսված հակակոռուպցիոն ոլորտի միջոցառումների և ոլորտային միջազգային պարտավորությունների վերաբերյալ:

2.  Որոշման հավելվածի <<ՀԱՄԱՅՆՔԱՅԻՆ ԾԱՌԱՅՈՒԹՅԱՆ ԴԱՍԱՅԻՆ ԱՍՏԻՃԱՆԸ>> մասի 8-րդ բաժնի  <<16>> թիվը փոխարինել <<17>> թվով: