Ղեկավարվելով Հայաստանի Հանրապետության «Տեղական ինքնակառավարման մասին» օրենքի 43-րդ հոդվածի 1-ին մասի 3-րդ կետի, «Հողային օրենսգրքի» 76-րդ հոդվածի   պահանջներով, և հիմք ընդունելով Արենի համայնքի ավագանու 26 հունիսի 2024թվականի թիվ 091-Ա որոշումը,  որոշում եմ.

  Արենի համայնքի Խաչիկ բնակավայրի վարչական տարածքում գտնվող, համայնքային   սեփականություն հանդիսացող  արդյունաբերության, ընդերքօգտագործման և այլ արտադրական նշանակության 2,41898հա հողամասը  (ծածկագիրը՝ 10-025-0106-0053, գործառնական նշանակությունը ընդերքի օգտագործման համար տրամադրված հողամասերի, հասցեն Արենի, Խաչիկ Կվարցիտի 1-ին թաղամաս 3) մինչև թույլտվության ժամկետի ավարտը,  20 տարի ժամկետով հատկացնել վարձակալությամբ՝ հաշված 14․ հունիսի 2024թվականից: 

• Հողամասի կադաստրային արժեքը կազմում է՝  2 249 651 ՀՀ դրամ,
• 2024 թվականի տարեկան վարձավճարը սահմանել 3 000 000 ՀՀ դրամ, որը ենթակա է վճարման մինչև 2024թվականի դեկտեմբերի 25-ը։
• 2025թվականի հունվարի մեկից տարեկան վարձավճարը սահմանել 10 000 000 ՀՀ դրամ, որը կազմում է հողամասի հողի հարկի տարեկան դրույքաչափի 44 450%-ը: Պայմանագրի կնքման պահին 2,41898հա արդյունաբերական նշանակության հողամասի  հողի հարկի տարեկան դրույքաչափը կազմում  է 22 497  ՀՀ դրամ (կադաստրային արժեքի 1 %-ը),
• Յուրաքանչյուր ամսվա վարձավճարը կազմում է 833 333 ՀՀ դրամ:
• Վարձավճարը վարձակալի կողմից մուծվում է հավասար չափերով՝ ըստ տարվա օրացուցային եռամսյակների, ոչ ուշ քան մինչև համապատասխան եռամսյակի վերջին ամսվա 20-ը:
• Առաջին վարձակալական վճարումը կատարվում է ոչ ուշ, քան պայմանագրի ուժի մեջ մտնելուց 10 օրվա ընթացքում:
• Վերջին վարձակալական վճարումը կատարվում է ոչ ուշ, քան մինչև պայմանագրի գործողության ժամկետի վերջին ամսվա 25-ը: