Ղեկավարվելով «Տեղական ինքակառավարման մասին» Հայաստանի Հանրապետության օրենքի 43-րդ հոդվածի առաջին մասի 4-րդ կետի պահանջով և հիմք ընդունելով ՀՀ Կառավարության 27 դեկտեմբերի 2007 թվականի «Հայաստանի Հանրապետության Վայոց ձորի մարզի Արենիի գյուղական համայնքի (բնակավայրի) գլխավոր հատակագիծը հաստատելու մասին» թիվ 1595-Ն, 29 դեկտեմբերի 2011 թվականի «Հայաստանի Հանրապետության համայնքների (բնակավայրերի) գլխավոր հատակագծերի եվ համակցված տարածական պլանավորման փաստաթղթերի մշակման, փորձաքննության, համաձայնեցման, հաստատման ու փոփոխման կարգը հաստատելու և Հայաստանի Հանրապետության կառավարության 2003 թվականի մայիսի 2-ի թիվ 609-ն ու 2010 թվականի մարտի 4-ի թիվ 208-ն որոշումներն ուժը կորցրած ճանաչելու մասին» թիվ 1920-Ն որոշումները՝ Արենի համայնքի ղեկավարը որոշում է.

ՀՀ Վայոց ձոր մարզի Արենի համայնքի Արենի բնակավայրի վարչական տարածքում, համայնքային սեփականություն հանդիսացող 0.408 հա մակերեսով հողամասի (նպատակային նշանակությունը՝ բնակավայրերի, գործառնական նշանակությունը՝ գյուղատնտեսական արտադրական օբյեկտների, ծածկագիրը՝ 10-008-0041-0049) գործառնական նշանակությունը փոխադրել հասարակական կառուցապատման գործառնական դասակարգման: